اسد من غير حسد

اسد واسم الله عليك اسد
عشعبك والله انك اسد

قدام المعارضة..اسد

قدام المواطن.. اسد

قدام لبنان ..اسد

لفيت عرقاب شعبك حبل من مسد
اسد والله اسد
وانت رابض بعرينك

من غير حسد

جمعت كل ملايينك

وما حدا بعرف العدد

وداعس باجرك عالروح والجسد

اسد والله اسد

عشعبك انت اسد اسد
ليث غضنفر ولا قادر عليك احد
متعلمتش انو من زرع حصد؟
شو زرعت بشعبك غير النكد؟
وعامل عليهن اسد ؟
الجولان شكلو راح منك للابد
وجيشك لا عدة ولا عدد
اسد والله اسد
بطقع الحكي انت احلى اسد
بالشعارات اسد
بالقمع اسد
بالاستيلاء عالسلطة اسد
نص شعبك عالنص التاني فسد
كلو بفضلك وبفضل المرحوم حافظ الاسد
بس بدي ابشرك انو ما حدا من اصحابك صمد
وشعبك من غير حسد
راح يطيرك باذن واحد احد



خفافيش في جنين

لم اعرف من هو جوليانو مير خميس الا ساعة اعلان اغتياله.. لا يقض مضجعي ولا يغضبني شيء اكثر من ان يتم اغتيال اي انسان لكونه رجل حضارة وثقافة يقول كلمته بحرية.. وما هذا الرجل- كما قرأت عنه عقب اغتياله- الا انسان اراد ان يبدد الظلام في جنين لكن خفافيشها تكره النور واختارت ان تطفئ شمعة انارت سماء جنين وسماء الضفة الغربية ..

ان الخفافيش التي اغتالته احست بخطر نوره على وجودها وكيانها ومكانتها وسيطرتها على الظلام لذا قررت ان تغتاله .. ان رجلا حرا اراد ان يجعل الشعب حرا لا يستحق الموت على خشبة مسرح نضال هذا الشعب .. يبدو ان احد الخفافيش قد سمع بمقولة : " اعطني مسرحا ، اعطيك ثورة" وادرك بان الثورة القادمة في الضفة ستكون ضد الخفافيش هذه المرة فاوجس خيفة من مسرح جوليانو والنور المنبعث من على خشبته ومن بنات افكاره ، فدبر امر بليل - هم هم الليل ذاته وهم هم العتمة ذاتها- وتم الاغتيال فهنيئا لكم يا خفافيش جنين ويا حسرة احرارها .. واحريتاه

                                          
                                         انا مش عبد الله الصالح
                                 (اغنية تراثية يمنية رئاسية شرسة)
                                   

مزبوط انا علي

بس مش عبد الله ولا صالح
انا عبد الشيطان الطالح
انا بدي احكم انا بدي اضل
لاشخ تحتي حاكمكو الاجل

مين بوقف قدامي مين؟
لا بهمني مظاهرات ولا ملايين
ولا بتهمني اميركا ولا الصين

انا الشيطان تلميذي
ما حدا يفكر حالو بوعزيزي
كل الشعب بطيزي
وارجوكو تيك ات ايزي

من اليوم وطالع
انا نجمكو الي رح يضل ساطع
بقول لكل شايف وسامع
انا علي بس مش عبد الله الصالح

زنجا زنجا ..دار دار (سجع حمار)

زنجا زنجا دار دار
انا قذافي سيد القرار
مهما حدث ومهما صار
رح اضلني الاقي الاعذار
حتى اضلني سيد القرار

اقوى من الاعصار
 وامتن من الاسوار
واتيس من الحمار
رح ابقى سيد القرار

زنجا زنجا دار دار
ما رح يبقى صغار
ولا زلام ولا نسوان كبار
رح احكمكو ليل نهار

معلش شو صار
رح اضربكو بحديد ونار
 مانا الملاك وانتو الاشرار
انا القذافي سيد راسكو وسيد القرار

لا مفيد الوحش ولا نصار
ولا اللي بتبجحوا من ورا البحار
بقدروا يزحزحوني امتار
ورح احارب لحتى تنهار
كل زنجا وكل دار

فش بقلبي اسرار
كل احساس فيو تبخر وطار
يا ليبي لا تحتار
يا عربي لا تنهار
انا القذافي سيد القرار
والله لاحرقكو بكل زنجة وكل دار