(عذرا لفيروز والرحابنة وللقدس)
ومشيت بالشوارع شوارع عكا العتيقة
قدام الدكاكين طخ وسكاكين
جربنا نحكي سوا الخبرية
لا احترموني ولا ردوا علي التحية
وعينيهن الخبيثة حمرا ومش عادية
ومشيت بالشوارع
شوارع عكا العتيقة
لا شفت علم ولا ثقافة او ازدهار
انما ولد راكب حمار
عمبرفسه بقوة دون رحمة
ودون اي اعتبار
قلتلو حرام
قلي روح نام
ومشيت بالشوارع
شوارع عكا العتيقة
"التحنوت" الها واجهات
والناس بتشتري وبتبيع مخدرات
والزلام تحولت لشوالات
ومشيت بالشوارع
شوارع عكا العتيقة
وكل واحد فردو عخصرو
ومفكر حالو زلمة عصرو
واللي بفتح تمو
بكون انتهى عمرو
ومشيت بالشوارع
شوارع عكا العتيقة
عباب الجامع مصلين
وااخ لو تشوفوا مين
العونطجية والزعران والسارقين
وكلهن صاروا الك واعظين
ومشيت بالشوارع
شوارع عكا العتيقة
وصرخت بصوت عالي
هاي مش عكا اللي ببالي
ولا هدول هني الاهالي
ليست هناك تعليقات:
إرسال تعليق