في منو ؟!
(وقفة شعبية مع الامثال)

1. من جد وجد ان الواسطات هي فقط تجعله يصل الى اعلى منصب يطمح اليه

2. لكل مجتهد نصيب من التعب الذي يذهب سدى اذا لم يكن لديه من يتوسط له لتحقيق طموحاته (كرت غوار)

3. عند الامتحان يكرم المرء او يهان او يصيبه في الراس دوران او بيجيه "حشاد"

4. انا واخوي عابن عمي وانا وابن عمي عالغريب وانا والغريب عاخوي

5. خدوا البنات من صدور العمات ويلعن ابو الخالات ولا مرة رح يشبهوهن

6. تلتين الولد لخالو ، والثلث الثالث لمين؟؟

7. وخير جليس في الزمان كتاب حياتي يا عين مع نفس ارجيلة وفنجان قهوة

8. فتش عن المرأة فان وجدتها فانكحها فان لم تستطع فتزوجها فان لم تستطع فسمعها حكي وذلك اضعف الإيمان

9. الولد ولد ولو صار قاضي بلد بتصير الناس تحضر توم وجيري اكتر من باب الحارة والمعسل بصير بطعم التشيتوس والمدارس بتتحول لسجون.

10. 60 سنة 70 يوم ، نفسي افهم كيف ؟

11. ابنك على ما ربيتيه وجوزك على ما عودتيه وانت لا حدا بهتم يربيكي ولا يعودك على أي شي.

12. بحكي للكنة تتسمع الجارة وان ما فهمت بتكون حمارة بنت 66 حمارة.

13. قال احدهم :من علمني حرفا كنت له عبدا ...

رد المجتمع :  ههههههههههه  وحححححححححح وخخخخخ

14. مصاري العمار مسهلة للجيب (بس بضم الميم وتسكين السين وكسر الهاء وفتح اللام)

15. حط ايديك واجريك بمي باردة وراسك بفريزة لتجميد التفكير..

16. لو تجري جري الوحوش غير رزقك ما بتحوش ، يعني ايش بدكو منسعاش؟ منطمحش؟ منشتغلش؟ نسلم بالامر الواقع؟

17. الفقر مش عيب ! لأ ياخي ! عيب وستين عيب ..

18. هين قرشك ولا تهين نفسك ، كم واحد عمبطبق هالقول ؟؟

19. الشكوى لغير الله مذلة ، عشان هيك اذا سرقوك او اغتصبوك او نهبوك او حاولوا يغتالوك اوعك تشكي لا لامك ولا لابوك ولا للي بالمدارس بعلموك ولا للشرطة احسن ما يعتقلوك ولا للصحافة احسن ما يفضحوك .. باختصار ولا لاي مخلوق ، انما قف بين يدي الله واشكيلو الو وحده لانو الشكوى لغيرو مذلة كبيرة.

20. كل شي قسمة ونصيب . يا سلام ! وبقاء حسني مبارك بالسلطة 30 سنة قسمة ونصيب برضو؟؟